Tras botar unha ollada na web da Xunta, observamos que aínda non hai nova información ao respecto no DOG, nin tampouco na páxina da Axencia Galega de Infraestruturas asociada a este proxecto. O que sí atopamos publicado é o documento de información aos medios co título REFERENCIA DO CONSELLO DA XUNTA DE GALICIA QUE TIVO LUGAR EN SAN CAETANO O 28 DE FEBREIRO DE 2019, BAIXO A PRESIDENCIA DO SR. D. ALBERTO NÚÑEZ FEIJÓO, e que contén referencia ao Decreto polo que se declara en concreto a utilidade pública e se dispón a urxente ocupación dos bens e dereitos afectados polo proxecto de construción Itinerario peonil e ciclista na AC-116. AC-114 – Meirás, puntos quilométricos 6+500 - 12+030, de clave AC/16/063.06, nos concellos de Narón e Valdoviño. Nas páxinas 9 e 10 deste mesmo documento atópase máis información sobre o citado decreto, que reproducimos aquí:
O CONSELLO DA XUNTA APROBA AS EXPROPIACIÓNS PARA A EXECUCIÓN DUNHA SENDA NA ESTRADA AC-116, ENTRE O CRUCEIRO E LAGO, NOS CONCELLOS DE NARÓN E VALDOVIÑO
- O Goberno galego, que prevé un investimento duns 865.000 euros neste proxecto, incluídas as expropiacións, ten previsto licitar as obras nas vindeiras semanas
- O Decreto de utilidade pública comprende as expropiacións dos 53 medios necesarios para a construción dun itinerario peonil seguro e accesible entre o p. q. 6+500 e o 10+400 da citada vía
- A intervención ten por obxecto a execución dunha senda para conectar co paseo que bordea a lagoa da Frouxeira e que chega ata o núcleo de Atios, en Valdoviño, o que permitirá a conexión peonil ao longo de toda a estrada
- Ademais reformarase a intersección existente no acceso á lagoa de Frouxeira, eliminando parcialmente o carril central de espera para virar á esquerda, para executar un paso de peóns e dar prioridade á circulación peonil
O Consello da Xunta autorizou hoxe o proxecto de decreto polo que se declara a utilidade pública e se dispón a urxente ocupación dos bens e dereitos necesarios para a execución dun itinerario peonil e ciclista na estrada AC-116, entre O Cruceiro e Lago, ao seu paso polos concellos de Narón e Valdoviño.
O Executivo autonómico, que prevé un investimento duns 865.000 euros neste proxecto, incluíndo o orzamento para as expropiacións, ten previsto licitar as obras nas vindeiras semanas.
O Decreto de utilidade pública comprende as expropiacións dos 53 medios necesarios para a execución dun itinerario peonil seguro e accesible nesta estrada, entre o p. q. 6+500 e o 10+400.
A intervención ten por obxecto a execución dunha senda para conectar co paseo que bordea a lagoa da Frouxeira e que chega ata o núcleo de Atios, no municipio de Valdoviño, o que permitirá a conexión peonil ao longo de toda a estrada AC-116.
Executarase unha senda pola marxe dereita da estrada que sumará 3,2 km, o que permitirá completar un itinerario peonil continuo entre as travesías do Cruceiro, no concello de Narón, e Lago, situado no de Valdoviño.
Desde este punto a AC-116 ten xa beirarrúas ata o seu final, polo que coas sendas previstas quedará conectado o paseo da lagoa de Frouxeira, que parte da travesía de Lago, tanto desde Narón como desde Valdoviño.
Ademais, reformarase a intersección existente no acceso á lagoa da Frouxeira, eliminando parcialmente o carril central de espera para virar á esquerda, para executar un paso de peóns e dar prioridade á circulación peonil.
Os vehículos poderán xirar na glorieta existente a 300 metros, no p. q. 12+360.
A obra compleméntase coa construción das instalacións necesarias para garantir a drenaxe axeitada.
Destacaremos que pretende tramitarse coa mesma urxencia que o primeiro tramo pretendendo licitarse nas vindeiras semanas as obras, e que o trazado transcorrerá pola marxe dereita da estrada, na mesma teima que ata o de agora. Lamentablemente todavía non hai datos sobre o proxecto nin das correccións ou modificacións que puideran terse feito con respecto ao presentado a información pública.
Seguiremos informando.
Ningún comentario:
Publicar un comentario