Un novo formato: análise da semana do 13 ao 19 de xuño

Esta redacción está a adoecer de dúas inconveniencias: falta de máns para atender a cantidade de cuestións que -potencialmente- poden facerse, e falta de tempo.

É por este motivo que imos tentar os poucos que estamos, e co pouco tempo que contamos, a elaborar un novo formato que sexa abordable por nos, e útil para a xente que nos lea. Lamentablemente, teremos que resignarnos e deixar de ser altofalante de anuncio de eventos, e quedarnos símplemente na análise do sucedido ao longo dunha semana.

Neste caso, como xa foi cuberta nas redes sociais parte da semana, comezaremos dun xeito lixeiro, relatando aquelas cuestións interesantes que quedaran fora do tinteiro.

Narón

EU Narón alerta de que peligra a acollida veraniega de nenos saharauis por burocracia e fondos, indicando que o problema é que, ainda que a administración colabora económicamente, non adianta os cartos, senón que os entrega unha vez se xustifique con facturas. Queremos lembrar que a Lei de Subvencións de Galicia permite que se entreguen os cartos por adiantado. De feito, temos un exemplo no Concello de Narón, que asinaba na acta da Xunta de Goberno do 2 de xuño de 2016 o adianto do pago do convenio asinado co Club Escudería Siroco Narón para a realización do XXIX Rally de Narón. Anuncian que haberá persoas da Asociación Solidaridade Galega co Pobo Saharaui (SOGAPS) -como promotores do programa Vacacións en Paz- recollendo doazóns da cidadanía interesada en colaborar. É unha pena que, dado que o que precisan é o adianto, aparte de que se solicite ás administracións que empreguen unha fórmula de subvención que permita a realización deste programa, non se ofreza como posibilidade á cidadanía que colabore con microcréditos, que serían devoltos unha vez pague a administración a subvención correspondente.

O Borrador do REGULAMENTO MUNICIPAL DE CESIÓN DE USO/UTILIZACIÓN DE LOCAIS E DEPENDENCIAS MUNICIPAIS DO CONCELLO DE NARÓN irá a Pleno este 30 de xuño para debater a súa aprobación. O 8 de abril, a Escola de Participación Cidadá enviaba este regulamento ás entidades asociativas e daba un prazo de 15 días para aceptar enmendas a este texto. Lamentablemente, non se fixo unha reunión para explicar este regulamento, e debater sobre él. Tampouco se presentou á cidadanía en xeral, a pesares de que serán usuarios destes locais. Temos que dicir que este borrador non ten nada que ver co documento que presentaran hai uns anos as entidades asociativas, elaborado en conxunto nos Consellos Territoriais de Participación Cidadá. Se non se lle da lexitimidade ao proceso participativo, nin ás conclusións ás que chega a veciñanza, ¿de qué serve?

Outra cuestión que tamén irá a Pleno será o da escola infantil rural en Sedes. Nas noticias NARÓN- Gobierno y EU demandan un proxecto educativo integral da escola rural e EU Narón defende o proxecto educativo para escola rural presentado polos veciños de Sedes, e denuncia a actitude do PP que rexeita o proxecto e tenta esconder esta realidade detrás de declaracións de intencións baleiras
explícase como o PP votou en contra do proxecto dos veciños de Sedes que levara AGE ao Parlamento de Galicia, pois ofertaban un Punto de Atención Infantil para nenas e nenos de 0 a 3 anos, en lugar dunha escola infantil para 0 a 6 anos. Por este motivo, plantexarán unha moción para instar que a Xunta se comprometa cun proxecto de escolas infantís rurais que tería como proxecto piloto a escola de Sedes, e do que se faría cargo a Xunta por ter as competencias en educación.

Por outra banda, ENE remitiu á prensa unha nota baixo o título O problema do punto limpo como reflexo do Concello de Narón, no que sinala que o Concello de Narón usa estas noticias para chamar a atención en prensa, mentres que as cousas levan anos sen cambiar. Nos non vemos moi ben fiada a relación, ainda que sí temos claro que, salvo en festas e programación cultural, o noso Concello está sumido no inmobilismo.

A Comarca

Por desgraza, e como ven sendo habitual a estas alturas do ano El Sergas bloquea 46 de las 400 camas del Marcide por el verano. Unha acción contra a que se manifestaron traballadores, e a Plataforma SOS Sanidade Pública. Algo que ven explicado neste artigo con Información sobre a última reunión da Plataforma SOS Sanidade Pública, no que, aparte dos peches de camas, se da información sobre mobilizacións que plantexa esta plataforma, e cuestións perigosas como a tentativa da Xunta de inxerencia nos comités de ética.  En canto aos peches de camas, o feito de que estean baleiras é decisión de Xerencia, que pode axilizar as listas de espera -permitindo hospitalizar a máis xente-, ou mover a pacientes a planta en lugar de telos ateigando os pasillos. Sobre esta cuestión, seguimos sen ter pronunciamento algún dende o Concello de Narón, a pesares de que a cidadanía é usuaria deste centro hospitalario.

Seguindo co tema dos hospitais, atopamos unha Carta aberta a Jorge Suárez da CIG-Saúde Ferrol ante a diminución do servizo de buses ao CHUF, xa que polo que comentan na mesma, foron eliminados servizos nas horas de maior demanda. Algo de interese para a cidadanía de Narón, que tamén é usuaria do Complexo Hospitalario Universitario de Ferrol. Ainda así, para as persoas de Narón, o maior hándicap segue a ser a escasez ou ausencia de servizos de transporte público para poder achegarse ata as liñas de Ferrol que viaxan cara o Marcide, sobre todo no rural.

Segue a voltas o tema de Reganosa: mentres O Comité Cidadán de Emerxencia presenta unha denuncia no Xulgado ante a chegada dun gaseiro a Reganosa, cando supostamente, ao carecer das licenzas non debería poder operar, e dado que o Supremo volveu a fallar na súa contra desestimando o recurso presentado hai uns días. Pola súa parte, O presidente do TSXG aclara que a nova situación procesal de Reganosa depende das partes, ou mellor dito, de como actúen. Respecto a isto, e tras 15 anos de loita, temos moi claro que o Comité Cidadan de Emerxencia non se botará atrás para conseguir que se respecte a legalidade, e se deixe de poñer en risco as vidas das persoas que viven próximas á planta, e o medioambiente.

E tras un par de semanas de queixas polas redes sociais da cidadanía, sae á luz que O auga de Ferrol aumenta levemente os seus niveis de cloro pola suba das temperaturas. E as queixas non eran sen motivo xa que segundo comentan na nova, o aumento nos niveis foi levado a cabo o 6 de xuño. Resulta ridículo que despóis de todo o que ocorreu o ano pasado se siga sen informar á cidadanía de xeito preciso nestas cuestións, e non se publiquen aínda os resultados das análises da auga. Isto tamén é transparencia.

E seguindo con servizos públicos -ainda que privatizados-, hai Tranquilidad en el Concello de Ferrol ante la posible venta de Urbaser a un grupo chino. A nos, o que nos sorprende é a propia venda, xa que neste noso país, os negocios máis rendables son sen dúbida as concesións de realización de servizos públicos.

Tamén en canto a servizos públicos, unha boa noticia para as xentes de Ferrol: O Xulgado da-lle a razón ao Concello de Ferrol, ante un recurso de Socamex/Urbaser, a parte privada de EMAFESA, dando por bo o acordo plenario de suspensión da taxa de depuración, suspensión á que só se opuxera o Partido Popular. É dicir, que os tribunais consideran adecuado suspender o cobro dunha taxa que se estaba a impoñer sen que se estivese a realizar o servizo de depuración. Volvendo ao tema de Urbaser, ¿entenden a nosa sorpresa sobre esa posible venda? Outro motivo máis para considerar a remunicipalización como a forma máis axeitada de abordar os servizos básicos para a cidadanía.

La asociación A Cortiña lleva a San Sadurniño a uno de los mayores expertos en pastos de España, un acto ao que polo visto, asistiu o concelleiro de ENE Alfonso Casal, que publicaba no seu Facebook esta nota: https://www.facebook.com/Eliximos.Naron/posts/1029329273770617. Un evento que podería aportar ideas moi interesantes que facilitasen a explotación sostible dos nosos recursos no rural. Polo que puidemos saber, o Concello de San Sadurniño asinou un convenio de colaboración con A Cortiña para promocionar a agroecoloxía. Algo que non lle viría nada mal ao rural de Narón. Para máis información sobre esta asociación: Facebook - Asociación Agroecolóxica A Cortiña

E unha cuestión que está a supor un gran problema para a agricultura en toda a comarca: o xabarín. Mentres La Xunta expone a entidades de Ferrol sus ayudas para daños causados por jabalíes, o Concello de Cerdido solicita a realización de novas batidas disuasorias polos danos ocasionados polo xabarín, por considerar que os perxuizos ocasionados están a exceder os medios implicados nesta cuestión.
Dende o noso punto de vista, parece que hai interese en que cada vez sexa máis complicado ter un cachiño de terra para realizar producción de subsistencia, en lugar de ter que mercar todo ás grandes explotacións, sobre as que non se ten información sobre cómo se produce. Meter por medio os intereses dos cazadores e poñelos por riba do dereito da xente a aproveitar as súas terras é unha forma de facelo ocultando a verdadeira motivación.

En canto a medioambiente, atopamos este titular: La ría de Ferrol, premio a la contaminación en las ‘Banderas Negras’ de Ecologistas en Acción. O estudo Bandeiras Negras 2016 realizado por esta organización ecoloxista sinala a Ría de Ferrol como un entorno cun gran potencial, pero degradado por mor da contaminación, a falta de saneamento e os recheos que obstaculizan a circulación das augas. Tamén que, para máis inri, coméntase que o grupo Popular Europeo está a tapar os resultados de contaminación que constataran os eurodiputados que visitaran a zona en 2013.

E na zona de información independente, temos un novo artigo de La Boca de la Ría de Ferrol que leva por título ¿Yolanda que haces ahí ?... Y con el DIEGO CALVO.... Ayyyy, e que aporta unha visión interesante sobre o consorcio Sociedade Mixta de Turismo Ferrol S.A., o seu historial, orzamentos, gastos, personalidades relacionadas, e que plantexa dúbidas sobre a súa necesidade e a inversión feita nela.

Ler máis »

O útil das actas da Mancomunidade, e a tomadura de pelo da devolución no recibo da auga pola crise dos trihalometanos

Saúdos, lectoras e lectores! Tal vez polas datas correspondese máis unha análise do primeiro ano de goberno do mandato 2015-2019, pero vai ser un exercicio que coste bastante máis esforzo que expoñer a presente cuestión.

Como saberán, dentro da inquedanza na procura de coñecemento sobre os qués, cómos e porqués da nosa administración local, a transparencia é unha das nosas cuestións máis demandadas. Unha das fontes de información máis valiosas soen ser as actas de sesión das administracións e os seus órganos. E entre elas, está a Mancomunidade de Concellos da Comarca de Ferrol, un ente local supramunicipal ao que está vinculado o Concello de Narón, xunto cos de Ares, Cabanas, Cedeira, Fene, Ferrol, Mugardos, Neda e Valdoviño. Poden acceder aos estatutos que a rixen na seguinte ligazón: [Estatutos]. Neles se describe o obxectivo deste ente -que de xeito resumido é aproveitar as vantaxes económicas que supón a xestión conxunta de determinadas cuestións que de xeito individualizado sería máis custoso ou inviable- e o seu funcionamento. Tamén ven a conto lembrar que hai uns meses o noso alcalde -José Manuel Blanco- foi nomeado vicepresidente da Mancomunidade.

Volvendo ao tema das actas, nun xesto de transparencia que no seu momento agradecemos, e seguimos a agradecer, ao principio deste mandato a Xerencia da Mancomunidade engadiu unha sección na web onde publicar as actas das sesións desta entidade. Ainda así, ata hai uns días permanecían so publicadas as actas do ano 2015, algo que nos inquedaba, polo que volvemos a pedir a súa publicación. Haberá quen pense que este "pasatempo" -nos preferimos chamarlle compromiso cidadán- non ten máis resultado que quentarlle a cabeza a xente moi ocupada, pero neste caso deu algún froito interesante -realmente sempre os da, pois o saber é un, pero neste caso cremos que atraerá a atención da xente-.

Para poñernos en situación, compre lembrar a crise dos trihalometanos que tivo á cidadanía de varios concellos da comarca sen poder consumir auga potable dos seus grifos durante tres días no mes de xullo de 2015. Ainda que había voces da veciñanza que consideraban reclamable unha parte do recibo polo perxuizo causado, e que o Concello de Ferrol aplicara un desconto na tarifa por este motivo, en Narón non houbo movemento algún ao respecto ata que no Pleno do 29 de outubro de 2015 o PP presentaba unha moción solicitando que se realizase a citada devolución co seguinte texto:

MOCIÓN DO GRUPO MUNICIPAL POPULAR PARA QUE SE APLIQUE NA
FACTURA DE COSMA UN DESCONTO POLOS DÍAS NOS QUE O AUGA NON FOI
APTA PARA O CONSUMO

EXPOSICIÓN DE MOTIVOS
Debido á que se veu en chamar como “crise do auga” houbo uns días en que o consumo de auga foi restrinxido o conter valores superiores aos permitidos no nivel de Trihalometanos. O día en que se estableceu a restricción foi o 16 de xullo, que durou ata o 19. Coñeceuse posteriormente, tras a restrición, que os primeiros resultados anómalos databan de mostras tomadas o 29 de xuño. Se ben é certo que en Narón temos unha compañía de augas propia, Cosma, da que o alcalde é o seu presidente, o cal non informou de que se houbese detectado nada, o feito fundamental é que Ferrol é quen nola suministra en última instancia. Polo tanto, o caso é que os veciños viñeron pagando por un suministro que non puideron consumir por non reunir os requisitos mínimos.

PROPOSTA
1º.- Instar ao goberno de Narón a propoñer no consello de administración de Cosma, onde ten maioría, descontos na facturación polos días en que os veciños recibiron auga non apta para o consumo.

2º.- Instar ao goberno de Narón a propoñer no consello de administración de Cosma, do mesmo xeito, que se inicie un procedemento de reclamación contra o Concello de Ferrol, para que desconte tamen a parte proporcional onde o auga non foi apta para o consumo.

En Narón, a 23 de outubro de 2015
Asinado: Marcos López Balado -  Voceiro Municipal do Partido Popular

Lembraremos tamén que nesa ocasión, e tal e como indica a acta dese Pleno, a moción foi desestimada polos votos en contra de TEGA, PSdeG-PSOE, BNG, EU e a abstención de ENE. Estivemos a buscar na hemeroteca e non atopamos referencias nas que ampararnos, pero lembramos claramente que os motivos que se aduciran para a desestimación eran complicacións co programa informático de xestión que emprega COSMA, e que lles impedía facer esa operación. Algo que no seu momento sinalamos como excusa ridícula, e que esas limitacións caían dentro da responsabilidade de COSMA, non na dos seus clientes.

Pois ben, o 28 de abril de 2016 o PP, tras un informe favorable á devolución enviado pola Valedora do Pobo, -e a negativa do Pleno a admitir a moción en marzo por vía urxente, por estar agardando resposta da Valedora a alegacións feitas polo Concello-, volve a presentar a seguinte moción para o desconto no recibo da auga do consumo estimado de auga potable para os días correspondentes á crise dos trihalometanos:

MOCIÓN DO GRUPO MUNICIPAL DO PP PARA CUMPLIR INFORME DA
VALEDORA DO POBO E APLICAR COMPENSACIÓN NO RECIBO DE COSMA
POLOS DÍAS QUE A AUGA NON FOI APTA PARA O CONSUMO

EXPOSICIÓN DE MOTIVOS 
O Grupo Municipal Popular presentou unha moción ao pleno de outubro de 2015, na que se instaba ao goberno de Narón a propoñer no Consello de Administración de Cosma unha compensación na facturación aos usuarios, polos días en que os veciños recibiron un auga non apta para o consumo, nos días que durou a chamada “crise do auga”. Debido a esa “crise”, recordemos, houbo uns días en que o consumo de auga foi restrinxido o conter valores superiores aos permitidos no nivel de Trihalometanos. O día en que se estableceu a restricción foi o 16 de xullo, que durou ata o 19. Coñeceuse posteriormente, tras a restrición, que os primeiros resultados anómalos databan de mostras tomadas o 29 de xuño. Con data 11/02/2016 a Valedora do Pobo remitía aos concellos afectados pola mencionada “crise do auga” un escrito no que se lles suxería a eses Concellos “que no caso de non telo feita xa se determine unha eventual compensación derivada da falta de subministro de auga para consumo durante os días que durou o incidente obxecto das queixas, tal e como xa fixo un dos concellos afectados, e que se faga de forma proporcional aos días que durou o incidente”. En base ao exposto, este grupo municipal ven a facer a seguinte 

PROPOSTA
1º.- Instar novamente ao goberno de Narón a propoñer no consello de administración de Cosma, onde ten maioría, que se determine unha compensación derivada da falta de suministro de auga polos días en que os veciños recibiron auga non apta para o consumo.

2º.- Instar ao goberno de Narón a propoñer no consello de administración de Cosma, do mesmo xeito, que se inicie un procedemento de reclamación contra o Concello de Ferrol, para que lle desconte tamen a parte proporcional onde o auga non foi apta para o consumo.

En Narón, a 23 de marzo de 2016

Asinado: Marcos López Balado Voceiro Municipal do Partido Popular

Neste caso -poden ler o debate completo na acta deste pleno de 28 de abril de 2016- a excusa para rexeitar de novo a moción é que segue sen haber contestación da Valedora sobre as alegacións feitas polo Concello de Narón. Ainda así, merece a pena ler o debate sobre esta proposta -e tódalas outras, pois a da rebaixa dos valores catastrais tampouco ten desperdicio algún-. Concretamente, sinalaremos esta parte da intervención do voceiro do grupo do PP:

"La valedora instó a todos los Concellos, a todos los que no lo hubieran hecho, a compensar a los vecinos porque hay ayuntamientos que ya lo hicieron, hablo de Ferrol, por ejemplo, el ayuntamiento de Ferrol ya compensó a sus vecinos. Y los ayuntamientos de Ares, Mugardos y Fene acaban de enviar un escrito también entre los tres para proceder a hacer lo que decía la valedora. El único que está descolgado y sigue sin reconocerlo es el Ayuntamiento de Naron (...)"

Algo que podemos facer xa que a deste pleno é a PRIMEIRA acta que se publica ÍNTEGRAMENTE tal e como comprometía a Ordenanza de Transparencia do Concello de Narón. ¿Ven o estupendo da transparencia? Permítenos comprender todo o que hai detrás dunha simple nota de prensa do Concello onde se preden tódolos matices importantes das cuestións tratadas en Pleno.

Volvendo ao caso, aquí é onde enlazamos coas actas da Mancomunidade, pois o que menciona o concelleiro Balado ven reflectido na acta da sesión plenaria da Mancomunidade do 14 de marzo de 2016. Literalmente:

É dicir, que estaban a reclamar a Emafesa, non so o custo da auga, senón que algún alcalde -o de Ares- suxería que se tivese en conta o custo da auga mineral que pagaron os concellos durante os días nos que o consumo estivo prohibido.

Pero isto non é todo. Na nosa lectura da acta da Mancomunidade do 11 de abril de 2016, atopamos algo se cabe máis interesante e revelador:

 É dicir, que Emafesa lle devolveu ao Concello de Narón -é dicir, COSMA- a cantidade correspondente ao consumo a deducir pola crise dos trihalometanos. Unha cuestión bastante sangrante polos seguintes motivos:

1. Polo que vemos, o grupo municipal do PP -e supoñemos que o resto de grupos da oposición- descoñecían que EMAFESA tivese feito a devolución desta cantidade ao Concello de Narón, xa que o punto 2 da súa moción mantén a demanda desa devolución ao Concello de Ferrol. Isto plantéxanos dúbidas sobre a cantidade e nivel de información que flue cara os grupos da oposición nas comisións. ¿Informouse desta cuestión? ¿Hai obriga de facelo por parte do Concello? Dende hai un tempo deixaron de publicar a orde do día das sesións destes órganos, coincidindo cos cambios -supostamente a mellor- en materia de transparencia. ¿Haberá algún grupo político que se convirta no noso paladín e defenda as nosas demandas en materia de transparencia no Concello? Polo que se ve, tamén redundaría no seu beneficio.
2. A pesar de ter ingresado a devolución, o Concello de Narón segue a porfiar a devolución deses cartos aos consumidores con alegacións á Valedora. ¿Acaso, se a Valedora as admite a trámite, devolverá Narón eses cartos a EMAFESA?
3. Volvendo ao debate da última moción presentada polo PP, concretamente á intervencion da concelleira Ferreiro de TEGA:
   
   
   "Cando falan dos 6000 euros…. 6000 euros sería como xa lle aclaramos no seu momento, se houbese un corte total de suministro, pero é que non o houbo, é dicir, houbo unha restricción de auga para o consumo humano en 2 días, que non temos valorado canto serían esas cantidades porque non o podemos valorar e cando fala dos 500 euros da auga que puxo o concello, sobrou auga, é dicir, se lle puxo auga para os veciños e sobrou que se levou ao centro de recursos. Co cal esa cantidade de 500 euros foi máis que suficiente para as necesidades nese momento dos veciños de Narón. Nada máis. Moitas grazas."
   
   Resulta bastante divertido que nun pleno que tivo lugar DESPOIS -11 de abril vs 28 de abril- de que a Mancomunidade dese conta da devolución dunha cantidade dende EMAFESA a Narón, TEGA teña o valor de dicir que descoñecen qué cantidade deberían devolver e como valorala. ¿Acaso non o fixo xa EMAFESA?

 Tras ler estas liñas: ¿QUÉDANLLE DÚBIDAS Á CIDADANÍA DE NARÓN SOBRE O FEITO DE QUE O GOBERNO MUNICIPAL NOS ESTÁ A TOMAR O PELO?"

Agardamos que a próxima vez que esta cuestión se presente a Pleno, a cidadanía ateigue as bancadas do salón portando cartaces nos que expresen as súas demandas e o seu descontento. Cremos que esa é a mellor guía que teñen os distintos grupos políticos para saber cando están a cumplir co seu cometido dentro da administración local.

Ler máis »

Narón: moito evento de nivel, e pouca planificación

Este luns chegaba á nosa páxina de Facebook a queixa de veciños da Gándara respecto ó estacionamento desordeado existente o domingo no entorno do pavillón de deportes, concretamente na zona da rúa Irmáns Pita. O móvil da queixa era que un dos vehículos situados sobre a beirarrúa impedía a un dos veciños da zona acceder ó seu garaxe.

Se ben, as imaxes que acompañaban o relato amosaban unha situación na que probablemente xa pasase o peor -aprécianse bastantes espazos libres para aparcar-, o feito de que haxa vehículos sobre a beirarrúa delata a existencia de certo caos, que contrasta coa "orde" existente na ocupación dun dos carrís de circulación, ou a mediana na parte da rúa que discorre paralela ó pavillón.


¿Cal foi o motivo? Segundo nos dan a entender as novas desta fin de semana, ese día tivo lugar o XIII Trofeo de Baile Deportivo “Cidade de Narón”, unha competición que tivo lugar de 11:00h a 21:00h [1], na que se agardaba a participación de entre 200 parellas de bailaríns [1] e da que a prensa dí que finalmente participaron uns 500 bailaríns [2]. Respecto a público, se ben inicialmente se falaba dun límite de 1.000 localidades [1], o concelleiro de deportes Román Romero falaba dunhas 1.200 persoas [3] as que se achegaron a ver o evento.
Deixando a un lado o curioso "baile" de cifras, a nos parécenos unha cantidade máis que razoable de asistentes ó entorno do pavillón como para realizar unha planificación dende o punto de vista de estacionamento e tráfico. Máxime, tendo en conta que según nos contan os veciños, unha carpa ocupaba o frontal do pavillón, eliminando así un bo número de prazas.

Polo que comentan os veciños, non houbo aviso ningún da Policía Local sobre o evento, nin a grande afluencia de vehículos que podería ter lugar. E aínda que existía certa "orde" que puidera deberse á acción dalgunha autoridade -como un dos carrís de circulación ocupado, así como a mediana- non había ningún axente nos arredores, nin ningunha sinalización indicando esta eventualidade na vía. Tampouco na páxina de Facebook da Policía Local de Narón, que soe emitir comunicados a este respecto. Na nota de prensa publicada polo Padroado de Deportes [4] so atopamos unha reseña a páxina www.bailegalicia.net, na que se di que está toda a información da competición. Tras entrar nela, so podemos ver información básica do evento, horarios e prezos, pero ningunha en relación a lugares de estacionamento e acceso ó pavillón.

Neste punto, e sabendo que o Concello contaba con información da cantidade de asistentes que tería o evento, e que se trataba da 13º ano que se organizaba, o único que se nos ven á cabeza é que se trata dunha cuestión de deixadez e falta de planificación. Algo ó que, polo que parece, o Concello non da moito valor, pois segundo [3][4] declaran que "Narón e todo un referente a nivel estatal neste tipo de competicións". Se ben é certo que congregan a moita xente, non o fan con moita elegancia -algo que aparentemente está relacionado con este deporte- , xa que hai asistentes que teñen que rematar deixando o coche enriba dunha beirarrúa, ocasionando ademáis así molestias ós veciños. Para poder considerarse unha referencia, debería haber unha organización de referencia. E aténdonos ás circunstancias, uns cantos detalles que se nos ocorren para acadalo serían:

• Ordenar o tráfico de xeito que os participantes tivesen opción de baixar fronte a porta. Os que viñeran sos no seu vehículo, darlles opción a estacionar o máis preto posible do lugar. Idem para persoas con mobilidade reducida.
• Que os conductores dos vehículos tivesen suficientes indicacións para acceder de xeito organizado a un lugar onde estacionar cómodamente: 
• na contorna hai varios centros comerciais
• hai a posibilidade de organizar a circulación facendo a rúa Irmáns Pita de sentido único, usando un dos carrís para estacionar sinalizándoa de xeito apropiado e informando públicamente da eventualidade á cidadanía. Segundo [5], a rúa ten 1.330m de lonxitude, así que deixando 4m por vehículo teriamos espazo nun carril para algo máis de 300 vehículos.
• proporcionando planos sobre acceso, circulación e estacionamento á organización, federación, participantes, etc ...
• dispoñendo dun número de axentes e efectivos apropiado para que todo funcione de xeito fluído, e evitando comportamentos incívicos ou de risco

Aparte diso, evitaríanse molestias ós veciños da zona ó mínimo, de xeito que a administración local estaría aportando un verdadeiro servizo tanto ós visitantes, como ós propios naronenses.

Por certo, e xa para despedir, queremos dar a noraboa ós deportistas locais polo bo nivel demostrado. Tamén redundaría no seu propio beneficio unha mellor organización destes eventos.

Fontes:
[1] Galicia Ártabra - XIII Trofeo de Baile Deportivo “Cidade de Narón” http://www.galiciaartabradigital.com/archivos/79647
[2] Diario de Ferrol - Más de 500 bailarines compitieron en el polideportivo de A Gándara http://www.diariodeferrol.com/articulo/ferrol/mas-500-bailarines-compitieron-polideportivo-gandara/20160411003409151247.html
[3] La Voz de Galicia - O Club de Baile Deportivo Narón domina o galego de latinos  http://galego.lavozdegalicia.es/noticia/ferrol/naron/2016/04/12/club-baile-deportivo-naron-domina-gallego-latinos/0003_201604F12C10991.htm
[4] Padroado de Deportes - Máis de medio milleiro de persoas participarán no xv trofeo de baile deportivo cidade de narón e campionato galego de latinos http://www.padroadodeportesnaron.com/web/cat/gal/noticias/get/217
[5] Concello de Narón - Abre ó tráfico o vial perimetral da gándara, de máis dun kilómetro de lonxitude http://www.concellodenaron.com/web/cat/gal/noticias/get/658/

Ler máis »

Información sobre o pleno do 31 de marzo de 2016

Chega a fin de mes, e con él, unha nova sesión plenaria. Por desgraza, o calendario na páxina web do Concello desapareceu, así que tivemos que tirar da xenerosidade allea para poder publicar a orde do día do mesmo: temos poucos colaboradores, pero de calidade.

Concello de Narón - Pleno do 31/03/2016 - Orde do día

Entre as cuestións interesantes, as seguintes:

• Modificación da ordenanza reguladora da taxa por recollida do lixo: atención contribuíntes, haberá que ver de que vai o asunto. Polo momento, a transparencia no concello non permite que trascendan estas cuestións.
• Orzamentos: sobre isto, varias cuestións
• Bases de execución: hai unha proposta de modificación, e iso que aínda non as publicaron. De tódolos xeitos, tamén hai unha proposta de que se inclúan as bases "específicas" no acordo de aprobación dos orzamentos. Aínda así, non deberían andarse con tantas voltas, e publicalas. Agora que teñen un portal de referencia, habería que sacarlle partido, ¿non sí?
• Modificación de crédito: e xa van 3 no que vai de orzamento. Teremos que ver a qué responde.
• Mocións: deixamos aquí información sobre elas. Polo momento, tan so EU ten a ben publicar o texto íntegro das mocións que presentan, mentres que ENE publica bastante información ó respecto no seu facebook e prensa.
• ENE - Acceso ó Couto dende a rotonda da FE-11 + AP-9
• ENE - Áreas caninas
• EU - Creación dunha OVI
• EU - Creación da Concellería de Muller: a este respecto, se ben é estupendo que se cren partidas orzamentarias ben definidas para calquera proxecto -incluíndo os relacionados con muller e igualdade- crear unha carteira máis supón un risco: que se siga a facer exactamente o mesmo que ata o de agora, pero que unha persoa máis cobre 1.000€ extra ó ano por ostentar esa delegación, máis todo o que lle corresponda por asistencias, dietas, etc ... Lamentablemente, polo de agora, a cidadanía non dispón apenas de medidas que permitan fiscalizar a actividade das concellerías, de modo que este risco é algo bastante plausible.
• EU - Actos de conmemoración da instauración da II República
• PP - Rebaixa no IBI e procedemento de revisión catastral: adiantamos que a nova non contén apenas información, e lamentamos que o PP non se poña á altura dos outros grupos da oposición en materia de transparencia informativa.
• TEGA + PSOE + BNG + EU - Acordo UE-Turquía sobre os refuxiados
•  TEGA + PSOE + BNG + EU - Paralización da LOMCE: tampouco dispoñemos do texto de ningunha das anteriores mocións, e lamentamos que, tanto que se fala de transparencia, non a exerza o goberno municipal sequera publicando os textos das mocións que plantexa presentar. 

Como nota final a este punto, quixeramos mencionar que o PP pretendía presentar unha nova moción sobre a devolución no recibo da agua do correspondente á crise da auga do pasado verán, e en virtude do expresado pola Valedora do Pobo. O feito é que ó ser presentada pola via urxente, o goberno municipal desestimou a súa incorporación. Segundo a nova de Galicia Ártabra - En Narón, no a una moción urgente del PP, sí una de IU a favor de la 2ª República, na que o PP protesta pola inadmisión desta moción fronte a admisión da de EU sobre a II República, o alcalde contesta que "se les pidió que la retirasen a la espera de la contestación de un escrito que se le envió a la Valedora do Pobo hace unos diez dias y que además el tema se trataría sin problema alguno en la comisión correspondiente." engadindo que "a petición de los representantes del grupo de gobierno en la junta de portavoces el representante de Eliximos Narón retiró , sin problemas, dos mociones"

Desta vez, agardamos poder ter un corresponsal a grabar o pleno, aínda que cos mesmos humildes medios de sempre.

Para variar, incombustiblemente, e dada a boa a collida, seguiremos informando.

Ler máis »

Consellos Territoriais de Participación Cidadá 2016 (II) - O noso DAFO de Narón

Continuamos coa serie de artigos relativos ós Consellos Territoriais de Participación Cidadá 2016. Como xa comentaramos no anterior artigo desta serie, esta primeira convocatoria de reunións dos Consellos Territoriais faise de xeito "tutelado" polo Concello, xa que é este quen plantexa a orde do día, cun único punto: realizar unha análise DAFO de cada parroquia.

Unha análise DAFO non é máis que unha sinxela análise realizada a base de detallar Debilidades, Ameazas, Fortalezas e Oportunidades daquilo que se pretende estudar -neste caso unha parroquia-. Non é máis que un dos milleiros de métodos que poden empregarse para orientarse sobre qué cuestións é preciso abordar nun asunto, e para facerse unha imaxe global da situación antes de actuar.
Neste punto pode que moita da xente de Narón que nos le plantexe unha queixa do estilo "eu xa sei o que fai falla na miña parroquia e no meu concello". Non dubidamos que sexa o caso. Pero hai que ter en conta unha cousa: é posible que sexan os propios membros da corporación municipal quenes máis precisen facer este exercicio para poñerse en situación, e dado que forman parte do proceso participativo, é xusto poñer o listón o máis baixo posible. Polo tanto rogamos que teñan paciencia con eles. Por outra banda, tódalas suxestións que podan facer poden ser enmarcadas na sección de "oportunidades", ou como solución a debilidades ou ameazas que se detecten, así que tamén serven para facer un debuxo máis preciso da situación.

En fin, que postos a xogar, e polo ben do concello, quixemos facer unha análise DAFO xenérica e poñela a disposición do público, por se algunha entidade o vise interesante e quixese empregala nas reunións destes Consellos Territoriais. Nos polo momento non podemos facelo, xa que non estamos constituídos como asociación. E agardamos que en breve se aborde seriamente o grave feito de que o Regulamento de Participación so permite que participen as entidades asociativas, e non as persoas a título individual, algo que -por exemplo- sí recolle o regulamento vixente no Concello de Ferrol.

Nun principio nos plantexamos realizar un so DAFO, pero a medida que ía crecendo o seu tamaño, decidimos fraccionalo en varios: proceso de participación cidadá, termo municipal e administración local. Deste xeito é moito máis manexable e lexible. Non entraremos en cuestións exclusivas de cada barrio ou parroquia, xa que cremos que é a veciñanza que alí reside quen mellor poden falar sobre elas.

Velaquí os DAFOs:

Proceso de participación cidadá e consellos territoriais

Análise Interna	Análise Externa
Debilidades Falta de vontade política: a participación estivo a funcionar, pero paralizouse. Leva na mesma situación 5 anos. Non se traballou nas conclusións extraídas das sesións da Escola de Participación. Horario de celebración dos Consellos Territoriais non apto para a xente que traballa Non se permite a participación de persoas a título individual Non se pon a disposición das asociacións servizos de apoio: tributación, protección de datos, formación, etc ... Ausencia de autonomía: participación dirixida dende o Concello e a Escola de Participación. Dificultade de relación coa administración local: complexidade normativa, falta de información, falta de transparencia Proceso non vinculante: as decisións tomadas nos órganos de participación poden ser desbotadas polo Concello sen xustificación  Ausencia de normativa de uso e cesión de locais sociais. Non mediación do Concello nos conflictos entre entidades asociativas. Falta de promoción da participación no eido educativo	Ameazas Falta de relevo nas asociacións Descrédito no proceso participativo Sociedade orientada ó lecer e consumismo Eliminación de órganos de participación por outras administracións: comisións de participación cidadá das áreas sanitarias Normativa autonómica e estatal en materia de participación e transparencia: pouco rigorosa ou inexistente
Fortalezas Antecedentes participativos: creación dos padroados, mobilizacións cidadás, patrimonio local construído en común por veciños e asociacións (pistas polideportivas, locais, cooperativas, ...) Gran número de asociacións	Oportunidades Fondos de cohesión da Unión Europea: esixen a participación da cidadanía para a elaboración de proxectos. Plan Salud 2020 da OMS/UE: definición de xeito participativo de estratexias de mellora da saúde

Termo municipal de Narón

Análise Interna	Análise Externa
Debilidades Dispersión da poboación Desequilibrio do nivel de servizos entre a zona rural e urbán: saneamento, telecomunicacións, ... Pobre ou nula infraestructura de transporte público no rural Patrimonio histórico e paisaxístico sen explotar ou en mal estado de conservación Ria contaminada Existencia de industrias contaminantes e de risco (Megasa, cementeira) Taxa de paro do 25% Poucas medidas de accesibilidade en edificios e mobiliario urbán.	Ameazas Non se albisca un fin da crise Destrucción do motor industrial da comarca: o naval Ausencia de alternativas económicas ó naval Ausencia de plans de formación ou emprego con perspectivas de reducir a taxa de desemprego Emigración Envellecemento da poboación Núcleos de tráfico de estupefacientes Desmantelamento do transporte ferroviario (FEVE, RENFE) Política e normativa autonómica, estatal e europea con pouca orientación social
Fortalezas Patrimonio histórico relevante Patrimonio paisaxístico Proximidade a núcleos de interese turístico Proximidade á Universidade  Proximidade ó CHUF Conexión con grandes eixos de comunicación (AP-9, AG-64) Productos con denominación de orixe local: pemento do Couto	Oportunidades Fondos de cohesión da Unión Europea Mancomunado con outros concellos de servizos comúns na comarca

Administración local

Análise Interna	Análise Externa
Debilidades Falta de transparencia: descoñecemento dos ingresos completos dos cargos electos, mínima información sobre actuacións municipáis e asuntos tratados en comisións ou plenos, ausencia de informes anuais xustificativos das concellerías, non publicidade de bases de convenios, mínima difusión de posibles bonificacións e subvencións ás que pode concorrer a cidadanía, etc ... Falta de orientación participativa do goberno municipal Falta de progresividade tributaria e en taxas como a da auga. Axudas da administración reducidas á caridade en situacións extremas, e xestionadas por institucións caritativas. Ausencia de métricas que permitan coñecer a situación económica e necesidades das familias: infrautilización da concellería de estatística Ausencia de bonificacións dos servizos municipais para persoas empadronadas respecto a persoas alleas ó concello Poucas bonificacións das taxas respecto ó que permite a lei  (por exemplo IBI ...) Ausencia de proxecto municipal, máis aló do mantemento dos servizos existentes Ausencia de vivendas sociais de aluguer como alternativa habitacional a desafiuzados, familias con poucos recursos, mulleres víctimas de violencia machista, etc ... Ausencia de mediación municipal nos procesos de desafiuzamento Ausencia de plans de formación contra o desemprego Ausencia dunha bolsa de emprego municipal Utilización mínima de cláusulas sociais nos contratos: máis orientados a minimizar o custo que a maximizar as prestacións sociais. Ausencia de programas nos centros educativos en materia de igualdade, participación, e bullying Sociocomunitario con pouco persoal e desbordado Ausencia de conexión entre a concellería de salubridade co SERGAS Salario da alcaldía moi por riba da situación económica das familias de Narón Bonificacións por asistencia non dependentes do tempo de duración das sesións. Existencia dun servizo de emerxencias en lugar dun de bombeiros  Gasto en festas excesivo en proporción a outras cuestións máis urxentes/relevantes (emprego, formación, servizos sociais)	Ameazas Normativa e política estatal: LRSAL, art. 135 da Constitución Española Enfrontamentos políticos coa administración autonómica (p.ex: centro de saúde) Normativa e política europea: TTIP
Fortalezas Bo nivel de programación cultural, servizo de biblioteca e normalización lingüística.	Oportunidades Fondos de cohesión da Unión Europea Posibilidade de establecer acordos coa Universidade para desenvolver oportunidades de negocio emerxentes ou sen explotar, formación, etc ... Mancomunado con outros concellos de servizos comúns na comarca Remunicipalización/mancomundado do servizos privatizados (saneamento, auga, lixo, xardinería)

Quedamos a disposición da xente que nos le para corrixir estes DAFOs, contestar a dúbidas, ou incorporar cuestións que escapen ó noso coñecemento, e agardamos que sexan de utilidade nos procesos partipativos que estean en curso.

Ler máis »

Consellos Territoriais de Participación Cidadá 2016 (I) - Calendario e plantexamento

Este artigo formará parte dunha serie que terá por obxectivo analizar o  proceso participativo cidadán nos Consellos Territoriais de Participación Cidadá, coa fin de arroxar a nosa perspectiva sobre o mesmo, e xeitos que permitan a súa optimización.

Segundo a información compartida pola Escola de Participación Cidadá de Narón na súa páxina de Facebook "Narón Participa", as datas e lugares nas que se fará a primeira reunión dos Consellos Territorias de participación son as seguintes:

• Luns 15 de febreiro ás 17:00 horas. CONSELLO TERRITORIAL DE FREIXEIRO (no local da AVV Virxe de Fátima de Freixeiro)
• Luns 22 de febreiro ás 18:00 horas. CONSELLO TERRITORIAL DE SAN MATEO (no local da AVV San Mateo)
• Mércores 24 de febreiro ás 17:30 horas. CONSELLO TERRITORIAL DE O ALTO (no local da AVV O Alto)
• Venres 26 de febreiro ás 17:00 horas. CONSELLO TERRITORIAL DA GÁNDARA (no local da AVV Gándara)
• Luns 29 de febreiro ás 19:00 horas. CONSELLO TERRITORIAL DE PIÑEIROS (no local da SC Areosa, centro municipal de Piñeiros)
• Mércores 2 de marzo ás 17:00 horas. CONSELLO TERRITORIAL DE SAN XIAO (no local da AVV Ceibe San Xiao)
• Xoves 3 de marzo ás 19:00 horas. CONSELLO TERRITORIAL DE CASTRO (no local da AVV Castro)
• Luns 14 de marzo ás 17:30 horas. CONSELLO TERRITORIAL DE O COUTO (no local da AVV O Couto)
• Martes 15 de marzo ás 17:00 horas. CONSELLO TERRITORIAL DE SEDES (no local da AVV Sedes)
• Mércores 16 de marzo ás 17:00 horas. CONSELLO TERRITORIAL DE XUVIA (no local da AVV Xuvia)
• Xoves 17 de marzo ás 17:00 horas. CONSELLO TERRITORIAL DE O VAL (no salón de actos do local municipal do Val)

Segundo a propia Escola de Participación, o plantexamento das xuntanzas será o seguinte:

Nestas xuntanzas realizaremos un diagnóstico das principais problemáticas de cada parroquia/barrio, coa idea de sacar adiante as propostas de zona. A sesión de traballo durará 2 horas aproximadamente, baixo o esquema:

• Identificar as principais características e problemáticas da zona (reflexión individual e posta en común) 
• Elaboración dun diagnóstico sinxelo (Debilidades, Ameazas, Fortalezas e Oportunidades) 
• Ideas propostas para Corrixir as debilidades, Afrontar as ameazas, manter as Fortalezas e Explotar as oportunidades. Nesta fase, traballaremos prioritariamente sobre propostas de intervención para as que teña capacidade o concello (competencia municipal). Posteriormente o persoal técnico municipal poderá estudar a viabilidade das mesmas. Na segunda rolda de sesións de traballo dos Consellos Territoriais -previsiblemente despois do verán- poderemos avanzar sobre a factibilidade destas peticións, prioriozándoas para entregar un informe de cada barrio.

Están convocadas ás sesións dos Consellos todas as entidades desas zonas (pódense sumar novas asociacións que ainda non estean inscritas) e os/as representantes dos distintos grupos municipais (que foron nomeados no pasado pleno).

O feito é que, como estivemos a divulgar a través da nosa páxina de Facebook, achamos uns cantos inconvintes nesta convocatoria:

• Os horarios non nos parecen axeitados para que poda participar a xente, xa que aquelas persoas que traballen a xornada partida veranse absolutamente imposibilitadas para asistir. Algo que xa se notou na primeira das reunións, na que había máis políticos que membros de entidades.
• Por outra banda, hai unha limitación que plantexa o propio Regulamento de Participación Cidadá, que é o feito de que so permite a participación de entidades asociativas, deixando ó marxe a toda a veciñanza que non pertence a algunha delas. A este último respecto, recentemente, a Escola ven de comunicar que é consciente desta limitación:
  
  Ás sesións están convocadas todas as asociacións de cada zona e os representantes dos grupos políticos, tal e como recolle o actual Regulamento de Participación Cidadá (2009), se ben somos conscientes de que en breve será necesario realizar unha reflexión sobre a súa reforma, co ánimo de incorporar á veciñanza e poder participar dun modo máis áxil.

En caso de que alguén sexa quen de detectar calquera cuestión que poda mellorar estea a prexudicar substancialmente este proceso, convidámolo a que llo traslade á Escola de Participación a través da súa dirección de email: escoladeparticipacion@cidadania.coop

Por outra banda, lembramos que o Regulamento de Participación Cidadá é unha lectura máis que aconsellable para aqueles que pretendan comezar a introducirse nos procesos participativos de Narón: http://bop.dicoruna.es/bop/2009/03/18/09-2911-x.htm

Ler máis »

Sobre o pleno que ven - 28/01/2016

Para variar, entre as esixencias diarias das vidas dos membros deste equipo de redacción, temos que acabar roubando uns minutiños para poñer a disposición do público información. Neste caso trátase de datos que resultarán de interese para os asistentes ó pleno que terá lugar mañá 28 de xaneiro de 2016. Algo que na nosa opinión, podería facer ben de sobra o concello. Farémolo aportando información sobre os distintos puntos da orde do día deste pleno, extraído de novas, e información aportada polos propios partidos.

Imos aló!

1.- Aprobación, se procede, das actas das sesións de datas 22-12-15 e 30-12-15.

Este punto é unha cuestión rutinaria, xa que en cada sesión se aproba a acta da anterior. Neste caso se fai referencia a dúas datas, xa que o día 22 de decembro tivo lugar un pleno extraordinario.
Respecto ás actas, temos que celebrar que, despóis de meses, por fin temos as actas do ano pasado publicadas. Quen quera botarlles unha ollada, lembramos que pode facelo nesta ligazón: http://www.concellodenaron.com/web/cat/gal/concello/organizacion_municipal/info_institucional/

2.- Proposta de nomeamento de camiños rurais da entidade colectiva de San Xiao.

Lamentablemente, sobre este punto da orde do día non podemos dar ningunha información. De feito, é probable que moitos veciños de San Xiao non saiban a qué se refire este punto. Carece por completo de sentido que unha sesión plenaria sexa pública, pero non haxa ningún tipo de información pública sobre os asuntos que se tratan nela.

3.- Proposta de aprobación inicial da Ordenanza de transparencia, acceso á información pública, reutilización da información e bo goberno do Concello de Narón.

Un dos puntos álxidos deste pleno.  Esta ordenanza crease pola necesidade de adaptarse ó especificado na Disposición Final Novena da Ley 19/2013, de 9 de diciembre, de transparencia, acceso a la información pública y buen gobierno, que da un prazo de 2 anos ás administracións locais para comezar a aplicar o que está estipulado nesta lei.
Por desgraza, e para variar, o concello non puxo a disposición da cidadanía un borrador desta ordenanza, para permitir que plantexasen enmendas á mesma. Pola contra, parece que sí entregou este borrador ós grupos políticos -que nos corrixan se nos equivocamos-. En fin, que aínda seguimos moi, moi, moi lonxe de que este concello teña visos de ser participativo.
¿E qué agardamos nos? Se fora cousa de desexar, pediriamos que, aparte do estipulado na Lei 19/2013, o Concello tivera a ben publicar as bases dos convenios que asina. Sobre todo porque de sempre, e en contra do especificado na Lei de Subvencións de Galicia, a maior parte dos cartos empregados en subvencións a entidades asociativas e deportivas se entregan utilizando a fórmula do convenio. E se a cidadanía non coñece as bases destes convenios, non é capaz de coñecer se se están a tratar con ecuanimidade a tódalas entidades deportivas e asociativas.
Todo iso, se fora por desexar. Pero sendo realistas, o máis probable é que o goberno municipal decida manter a mesma pose que mantén co salario do alcalde e os 7 asesores dos que dispón: ceñirse estríctamente ó que a lei di, sen facer concesión algunha, ainda que ésta o permita.

4.- Proposta de aprobación do cadro de persoal e Relacións de Postos de Traballo ano 2016.

 Este punto corresponde á obriga especificada no artigo 90 da Ley 7/1985, de 2 de abril, Reguladora de las Bases del Régimen Local,  de aprobar anualmente, a través del Presupuesto, la plantilla, que deberá comprender todos los puestos de trabajo reservados a funcionarios, personal laboral y eventual, e de facelo en arreglo a los principios de racionalidad, economía y eficiencia y establecerse de acuerdo con la ordenación general de la economía, sin que los gastos de personal puedan rebasar los límites que se fijen con carácter general
Dado que os nosos coñecementos nesta cuestión son bastante poucos, quedamos á espera dos comentarios e posibles enmendas que podan plantexar os partidos presentes na cámara.

5.- Proposta de aprobación dos orzamentos do Concello e do Padroado da Cultura, dos orzamentos xerais, das bases de execución dos orzamentos e do límite máximo de gasto non financiero para o exercicio 2016.

Velaquí o punto forte da sesión, os orzamentos. Un documento que describe en qué se empregarán os cartos dos que dispón o concello. Cartos entregados tanto pola cidadanía en forma de tributos, ou transferidos doutras administracións, pero que tamén proveñen de tributos. Por iso consideramos que se trata dunha cuestión tan importante: son cartos de todos, e deberían usarse para o ben común. Cabería neste punto facer unha reflexión sobre o noso nivel de satisfación sobre o concello,  o nivel de servizos, o estado do noso entorno, e os esforzos que poda estar a facer para axudar á cidadanía nos seus problemas cotiáns.

Recalcaremos que os orzamentos non son máis que iso: unha estimación pormenorizada de ingresos e gastos. Durante o ano iranse sucedendo modificacións de crédito que alterarán as distintas partidas en función das decisións tomadas en pleno. Así que a liquidación que se faga a final de ano pode variar respecto ó que había proxectado inicialmente.

Sobre esta cuestión, e grazas ó ruido mediático que se foi desencadeando froito do tema do IBI e a presión tributaria en Narón, foron surxindo distintas declaracións que aportan algo de información sobre os orzamentos que se discutirán no pleno.

Datos do Goberno municipal:
Na seguinte ligazón se pode acceder á nota de prensa emitida polo Concello sobre orzamentos: Orzamentos2016.pdf

Este documento amosa de forma moi resumida información sobre as partidas de ingresos e gastos dos orzamentos, e a súa evolución respecto o ano anterior. E non é información suficiente para que a cidadanía poda determinar se os cartos se invirten como e onde lle convén. Para iso sería preciso que se publicase o desglose das partidas, tal e como se amosan as liquidacións dos orzamentos no Consello de Contas de Galicia.

Respecto ós ingresos, cabe dicir que o Concello prevé recadar en 2016 un 2,83% máis que no 2015. Iso significa que, ainda que mínimamente, a presión fiscal segue a subir. Fronte a esta situación, o goberno declara que é algo debido -citamos textualmente- á correcta cuantificación do impacto do 10% da revisión do valor catastral que se realizou na Ponencia de Valores de 2008, compensándose o incremento que corresponde en 2016 coa rebaixa dos tipos. Unha explicación que, por complexa, moita xente abandonará a posibilidade -unha vez máis- de comprender o que lle dí unha administración, abrazando unha vez máis aquilo de "total, fan o que lles da a gana". Nos queremos explicar esta cuestión con claridade, e dar a nosa visión do que implica:
Os artigos do 66 ó 70 do RDL 2/2004 explican que a base liquidable da cuota do IBI se calcula aplicando ó valor catastral un coeficiente reductor. O primeiro ano que aplica a valoración catastral, o coeficiente é de 0,9: isto significa que o primeiro ano, a base liquidable será so o 10% do valor catastral. Este coeficiente vai descendendo, de 0,1 en 0,1 anualmente ata 0,1. Isto quere dicir, que o segundo ano, a base liquidable do IBI será o 20% do valor catastral, o terceiro será o 30%, ... e así ata chegar ó 90%. Por este motivo o IBI sube tódolos anos, SE NON HAI INTERVENCIÓN DO CONCELLO. A base liquidable non é o que paga o cidadán: despóis aplícaselle o tipo de gravame e as bonificacións, conceptos que dependen do concello, e que están regulados nas ordenanzas fiscais.
Volvendo ó caso concreto de Narón, se a valoración catastral é de 2008, a cota líquida a aplicar en 2015 sería do 70% do valor catastral, e en 2016 do 80%. Pero en 2016, e pola presión mediática, o goberno decide baixar o tipo de gravame de 0,70 a 0,66, amortiguando a suba. Deste xeito, a suba estimada da recadación queda nun 2,83%.
¿Aplauso para o goberno municipal? Pois non. Porque esta cuestión ten moitas máis voltas. A primeira delas é que segundo recollemos no noso artigo sobre o IBI, o prezo medio da vivenda na provincia da Coruña dende 2008 caeu máis dun 30%. Polo tanto, os valores catastráis están moi desfasados. Isto quere dicir que o Concello está a recadar moi por riba do valor real da maioría dos inmobles. Polo tanto, non hai aplauso. Pero ainda hai máis. Quen teña o gusto de ler o noso artigo, verá que a pesar da tasa de paro na comarca, non está a poñer a disposición da cidadanía bonificacións que podería facer por lei que poderían reducir a presión fiscal de familias con rendas baixas. Outro motivo para non aplaudir.
Polo tanto, cremos con estos argumentos desarmada a complexa frase, e podemos afirmar que o goberno está a actuar de xeito bastante insensible -ata descarado- en materia tributaria.

Outra cousa que achamos en prensa e á que non lle achamos explicación é a afirmación que da titular a esta noticia: La Voz de Galicia - La inversión en obras en Narón este año subirá a casi cuatro millones
Na nota de prensa citada arriba, o concelleiro de Facenda, Pablo Villamar, só facía mención a un aumento previsto na partida de Inversión Real do 61% (de 1,14M€ en 2015 a 1,83M€ en 2016). Sen embargo, e salvo que se prevea a recepción de subvencións por 2M€, non atopamos fundamento para tal afirmación.

A última hora, atopamos na páxina de Facebook do BNG declaracións sobre os orzamentos, na seguinte ligazón: O orzamento municipal ascenderá a 28,9 millóns de euros en 2016.
Cuestións curiosas: o primeiro, que parece que lle da unha explicación distinta ó pequeno aumento previsto da presión fiscal da que daba a alcaldía. Neste caso, a cuestión é debida a á corrección da previsión coa que se elaborou o Orzamento de 2015. Cremos que con isto se refire a que para o orzamento de 2015 estaba previsto recadar de IBI 7,7M€ e finalmente se recadaron 8,2M€. Despóis si que fai mención ó mesmo tema que a alcaldía.
Outra cuestión que queremos resaltar é a mención seguinte: "As contas", explicou Villamar, "obedecen á situación de crise que vivimos, priorizando o gasto social e o mantemento dos servizos públicos e reducindo a débeda bancaria". A nosa opinión é que dende hai uns anos, a gran prioridade do goberno municipal está a ser reducir a débeda o máis rápido posible, mantendo conxeladas tódalas demáis cuestións. So invirte, e mínimamente, cando percibe inxeccións dende outras administracións.

Reincidimos de novo na necesidade de datos pormenorizados para poder emitir un xuizo respecto ós orzamentos. Así é imposible saber en qué se empregaran eses máis de 28M€. 

Enmendas do PP:
Estes últimos días o PP publicou na prensa que presentara determinadas enmendas ós orzamentos. Pois ben, tiveron o detalle de poñerse en contacto con nos e enviarnos un documento coas enmendas que propoñían, e que está accesible na seguinte ligazón: EnmiendasPresupuesto'16.doc

Este documento está dividido en dúas seccións. A primeira, co título "partidas en baja", representa as partidas das que propoñen retirar a suma indicada. A segunda, co título "partidas en alta", representa a qué destinarían os cartos minorados das partidas en baixa.

Á vista da información presentada, tamén botamos en falta unhas cantas explicacións respecto a estas enmendas:
Hai partidas nas que a simple vista se sabe que se pode facer unha minoración sobre elas (publicidad y progaganda, fiestas), ou unha transformación (como entendemos que é o caso dos convenios en subvencións, algo que xa propuxeran en pleno hai uns meses). Pero sobre outras, por descoñecemento, non saberiamos aseverar se sería viable.
Respecto ás partidas en alta, tamén as hai que resultan máis ou menos claras a simple vista, pero a maioría poderían considerarse unha cuestión de maxia se non veñen explicadas de xeito razonable e orzamentadas a grosso modo. Por exemplo, a gratuidade do transporte público (¿cantos beneficiarios, viaxes por unidade de tempo, etc ...?), plans de formación, promoción, etc ...
A pesar diso, temos que recoñecer que fan referencia a ideas interesantes, pero que precisan desenrolo. Por exemplo, a existencia dun mercado daría posibilidades de comercializar os seus productos a pequenos productores, fomentando o comercio de proximidade, a soberanía alimentaria da zona, e a activación productiva do rural.

Pode que haxa a quen lle pareza inxusto unha análise tan seca, pero algo que pretendemos promover é a figura do elector esixente: unha cidadanía que non so se quede en bandeiras, colores, símbolos, sorrisos, filosofías e publicidade para votar, e que esixa un proxecto ben definido de concello, onde poda participar nas decisións que marquen cómo se vai desenrolar. E en honor a este obxectivo, non podemos dedicarlle loubanzas a aquilo que non está suficientemente desenrolado como para consideralo viable. Doutro xeito, estariamos a caer no máis que recurrido argumento da confianza que esgrimen os políticos e que teñen -ou deberían- á cidadanía bastante escarmentada.

Opinión de ENE:
De momento, en canto ós orzamentos, de Eliximos Narón so atopamos a seguinte nota de prensa:

A Narón pan e circo”, esa é a política do tripartito.
(Nota remitida a prensa hoxe martes, 26 de xaneiro de 2016)

Os políticos romanos decidiron que a política de «pan e circo» era a forma máis efectiva de subir e manterse no poder. Esta era a práctica romana de prover pan gratis aos cidadáns romanos así como custosas formas de entretemento (o teatro, as carreiras e as loitas) como medio para gañar a súa confianza e, sobre todo, de mantelos afastados dos asuntos políticos.

A pesar do paso dos séculos esa práctica, adaptada aos nosos días, segue vixente e é a política do goberno de Narón. Neste caso o «pan» ven a ser a asistencia social para garantir a subsistencia, mentres que o «circo» son as festas, os deportes e as actuacións culturais.

Así o reflexan os orzamentos con:

• Asistencia social primaria: 2,5 millóns de euros (62,9 €/hab., no mesmo orde que a media outros concellos galegos no rango dos 20.000 a 50.000 habitantes).

• Festas populares e festexos: 215.000 €, un 18,2% mais que concellos similares (5,4 fronte 4,1 €/hab.).

• Deporte: 1,91 millóns de euros €, un 21% mais que concellos similares (48,4 fronte 35,9 €/hab.).

• Equipamento y promoción cultural: 2 millóns de euros €, un 215,8% mais que concellos similares (50,4 fronte 14,3 €/hab.).

En total, Festas + Deportes + Cultura = 4,1 millóns de euros €, 1,73 millóns (un 72,2%) mais que concellos similares (104,3 €/hab. fronte aos 54,3 €/hab. dos demais concellos).

Pola contra, as actuacións de carácter económico dos tres sectores levan 371.000 euros, fronte a 1.458.000 doutros concellos similares, un -74,6% (9,4€/hab. fronte aos 14,3 €/hab. dos outros).

Os gastos en fomento do emprego de 253.000 euros tamén se encontran un -55,5% por debaixo dos concellos similares.

En resumen, a aposta política do tripartito e «pan e circo» que levan 6,6 millóns de euros (aínda que moito mais «circo» que «pan») fronte as actuacións de carácter económico e fomento de emprego que levan 1,7 millóns de euros.

Dende Eliximos entendemos que cada cousa ten que ir na súa medida, e que as actuación de carácter económico e o fomento do emprego deberían ter un maior peso para que os naroneses teñan traballo e, por tanto, poidan ganar o pan.

Esta redacción coincide que o mellor que ten este Concello está sempre relacionado co ocio. Lamentablemente, tanto a nivel normativo -xa mencionamos as ordenanzas fiscais- como en inversións, se comporta con deixadez en temas tan importantes como o do emprego e os servizos sociais. E xa non falemos de transparencia e participación.

Non sabemos se ENE ten pensado plantexar, ou se xa plantexou enmendas. Ante estas declaracións, debería estar pensando en facer ese exercicio, algo que lle vai resultar moi necesario se non quere perder fol ante outras propostas políticas en Narón.


Respecto a Esquerda Unida, non atopamos ningunha publicación súa falando de enmendas ou opinións respecto ós orzamentos. Tan so unha reseña na seguinte nova, na que declaraban que o seu grupo estaba a estudialos: La Voz de Galicia - Críticas de la oposición naronesa al retraso en los presupuestos
Salvo que nos chegue algo de última hora, teremos que agardar á súa intervención no Pleno.

6.- Moción do Grupo Mixto Municipal (EU) relativa ao pago do IBI pola igrexa católica.

Respecto a este punto, o concelleiro André Abeledo tivo a ben publicar o texto desta moción, que está accesible na seguinte ligazón: http://elcomunista.net/2016/01/19/esquerda-unida-de-naron-leva-o-pleno-de-ordinario-de-xaneiro-unha-mocion-para-esixir-que-a-igrexa-catolica-pague-o-ibi/

Aproveitamos para explicar que a exención sobre este imposto que se lle practica ós bens da Igrexa é algo que ven expresado no artigo 62.1.c do Real Decreto Legislativo 2/2004, de 5 de marzo, por el que se aprueba el texto refundido de la Ley Reguladora de las Haciendas Locales, e que non só afecta á igrexa católica, senón tamén ás demáis asociaciones confesionales no católicas legalmente reconocidas, en los términos establecidos en los respectivos acuerdos de cooperación suscritos en virtud de lo dispuesto en el artículo 16 de la Constitución

O caso da igrexa católica ven desenrolado no artigo IV dos acordos económicos coa Conferencia Episcopal de 1979, no que especifica: 

A) Exención total y permanente de la Contribución Territorial Urbana de los siguientes inmuebles:

1) Los templos y capillas destinados al culto y, asimismo, sus dependencias o edificios y locales anejos destinados a la actividad pastoral.

2) La residencia de los Obispos, de los canónigos y de los sacerdotes con cura de almas.

3) Los locales destinados a oficinas de la Curia diocesana y a oficinas parroquiales.

4) Los seminarios destinados a la formación del clero diocesano y religioso y las Universidades eclesiásticas en tanto en cuanto impartan enseñanzas propias de disciplinas eclesiásticas.

5) Los edificios destinados primordialmente a casas o conventos de las Órdenes, Congregaciones religiosas e Institutos de vida consagrada.

Sen a existencia deste acordo, a Igrexa podería beneficiarse de determinadas exencións cun plantexamento ecuánime, xa que poden ser aplicados sobre bens de calquer propietario. Por exemplo, no RDL 2/2004 especifica que tamén estarán exentos do IBI os que estean catalogados como monumentos ou conxuntos históricos. O que non ten moito sentido na nosa opinión é que non paguen o imposto os inmobles que sirven de residencia, sobre todo cando hai casos que son exemplo de luxo e despilfarro: eldiario.es - La reforma del ático de lujo de Rouco cuesta a la Iglesia más de medio millón de euros

As exencións reguladas nese artigo 62 do RLD 2/2004 son bo material para o debate, xa que incluen ás confesións legalmente recoñecidas e á Cruz Vermella Española, pero non a outras organizacións sen ánimo de lucro que podan estar aportando un beneficio á sociedade nun determinado momento. Tamén aparecen contemplados os colexios concertados, outro elemento controvertido.

7.- Moción do Grupo Mixto Municipal (ENE) relativa á modificación da Ordenanza do IBI en relación a inmobles de características especiais.

Lamentablemente, no momento de escribir este artigo, Eliximos Narón non ten publicada ningunha información sobre esta moción.
Para evitar sustos, explicaremos que os bens inmobles de características especiais están definidos no artigo 8 do Real Decreto Legislativo 1/2004, de 5 de marzo, por el que se aprueba el texto refundido de la Ley del Catastro Inmobiliario, e fan referencia a:

a) Los destinados a la producción de energía eléctrica y gas y al refino de petróleo, y las centrales nucleares.

b) Las presas, saltos de agua y embalses, incluido su lecho o vaso, excepto las destinadas exclusivamente al riego.

c) Las autopistas, carreteras y túneles de peaje.

d) Los aeropuertos y puertos comerciales.

Botando unha ollada á Ordenanza Fiscal nº2 reguladora do imposto sobre bens inmobles do Concello de Narón, e ó noso artigo Analizamos o misterio sobre o IBI en Narón, só se nos ocurre que estéan a demandar a modificación do tipo de gravame para estes inmobles (que actualmente está en 1,14 e que pode oscilar entre 0,4 e 1,3), ou solicitar para eles a bonificación especificada no artigo 74.3 do RDL 2/2004, e que permite bonificar a cota destes bens ata nun 90%.

Teremos que agardar para sabelo.

8.- Moción do Grupo Mixto Municipal (ENE) para instar ao goberno municipal a elaborar un Plan anual de estatística sobre a situación socio-económica do Concello.

Sobre esta moción, Eliximos Narón sí enviou ós medios a seguinte nota de prensa:

Eliximos Narón pide ao tripartito un Plan Anual de Estatística do Concello.
Dende Eliximos, consideramos que o uso anual regular de estatísticas sobre a situación social e económica é unha ferramenta útil e moi necesaria para un coñecemento obxectivo do Concello.

Esta ferramenta pódese usar cara ao futuro para priorizar e dirixir as actuacións, inversións e recursos do Concello a aqueles aspectos que mais o requiran, e tamén de cara ao pasado para coñecer os efectos e a eficacia de ditas accións levadas a cabo polo Concello.
Ao mesmo tempo, as estatísticas obxectivamente elaboradas, tratadas e publicadas son unha importante ferramenta de transparencia sobre o Concello.
Eliximos presentou hoxe unha moción instando a o Tripartito a poñer en funcionamento esta ferramenta, para o cal e necesario un Plan consensuado no que se recollan os aspectos a estudar, a relación de estatísticas a elaborar que permitan dito estudo, e unha dotación orzamentaria para o Plan nos presupostos para este ano 2016 que están pendentes de se aprobar.

Consideramos que é unha moción moi interesante, xa que podería abrir a porta a que a cidadanía poda estudar a evolución das actuacións do concello ó longo do tempo. Por ese mesmo motivo cremos que non vai achar moitos apoios no goberno municipal.
Esta redacción xa se amosou máis dunha vez interesada por que se faga un seguemento da efectividade dos plans de formación, dos alumnos que obteñen un traballo, do tipo de contrato, e a duración do mesmo.

9.- Actividade de control do pleno: Mocións urxentes.

10.- Actividade de control do pleno: Dación de conta resolucións órganos de goberno.

11.- Actividade de control do pleno: Rogos e preguntas.

Agardamos que, como público do pleno, en directo ou diferido, todo o mencionado sexa de utilidade para a xente que nos le.

En caso de que algún grupo político desexe que incorporemos algunha información a este artigo antes do comezo da sesión, quedamos á sua disposición na nosa dirección de email

Ler máis »

O Tribunal de Cuentas menciona ó Concello de Narón nun recente informe

Hai uns meses que, por pura casualidade, topamos con un informe emitido polo Tribunal de Cuentas do Estado no que se citaba ó Concello de Narón. Trátase concretamente da Resolución de 25 de noviembre de 2014, aprobada por la Comisión Mixta para las Relaciones con el Tribunal de Cuentas, en relación con el Informe de fiscalización sobre las actuaciones realizadas por los Ayuntamientos con cargo al Fondo Estatal para el Empleo y la Sostenibilidad Local, creado por Real Decreto-ley 13/2009, de 26 de octubre . Ou para que todos o entendan, un informe no que se analizan as actuacións dos concellos españois con cargo ó Plan E da época de Zapatero. 

Se descargamos a versión en PDF do citado documento, e imos ata a páxina 218, veremos que Narón aparece citado nunha táboa como a que segue:

NOTA: A táboa que aquí se amosa foi "retocada" coa fin de que se puideran ver os datos de Narón xunto cos dos restantes concellos de Galicia, acompañados da cabeceira da táboa, para que fosen comprensibles os datos amosados en cada columna

¿Qué quere dicir isto?  

Para entender qué significa que Narón estea anotado nesa táboa, sería preciso retroceder ata a páxina 45 do informe en PDF, concretamente, á sección titulada Concurrencia y fraccionamiento del objeto del contrato. Xa os primeiros parágrafos resultan bastante explicativo:

La LCSP establecía en su artículo 74 que el objeto de los contratos del sector público debe ser determinado, añadiendo que no puede fraccionarse un contrato con la finalidad de disminuir la cuantía del mismo y eludir así los requisitos de publicidad o los relativos al procedimiento de adjudicación que correspondan.

É dicir, que non estaría permitido partir un contrato en varios coa fin de cambiar as normas de axudicación. A continuación, explica con maior detalle:

Cuando el objeto del contrato admita fraccionamiento y así se justifique debidamente en el expediente, podrá preverse la realización independiente de cada una de sus partes mediante su división en lotes, siempre que éstos sean susceptibles de utilización o aprovechamiento separado y constituyan una unidad funcional o así lo exija la naturaleza del objeto, debiendo aplicarse en la adjudicación de cada lote las normas procedimentales y de publicidad que correspondan en función del valor acumulado del conjunto. Asimismo, pueden contratarse separadamente prestaciones diferenciadas dirigidas a integrarse en una obra, tal y como ésta es definida en el artículo 6, cuando dichas prestaciones gocen de una sustantividad propia que permita una ejecución separada por tener que ser realizadas por empresas que cuenten con una determinada habilitación. El Real Decreto-Ley 13/2009 se refirió al fraccionamiento en sus artículos 9.3 y 10.5. El primero señalaba que podían financiarse con cargo al Fondo determinados contratos de suministros que no superasen el 20% del importe del proyecto al que estuvieran vinculados, no pudiendo fraccionarse su objeto con el fin de no superar dicho porcentaje. Por su parte, el artículo 10.5 señalaba que los contratos de obra debían tener un valor estimado, calculado según las reglas del artículo 76 de la LCSP, inferior a 5.000.000 euros, no pudiendo fraccionarse su objeto con el fin de no superar esta cantidad.

De xeito resumido: se no contrato se xustifica que pode fraccionarse, pódese dividir en lotes, pero as normas de publicidade aplicables serían as correspondentes ó valor acumulado do conxunto. Ou cando o teñan que facer empresas distintas con habilitacións específicas. A idea é que a normativa pretende evitar que se fagan fraccionamentos para facer axudicacións a dedo e sen publicitar, algo que a lei permite nas obras menores.

Xa na páxina 46, o informe indica o seguinte:

En el análisis de los proyectos de la Base de Datos tramitados por el procedimiento negociado sin publicidad se ha puesto de manifiesto que 619 proyectos (7%), si bien en la mayoría de los casos la ubicación de la obra a ejecutar no era exactamente la misma, tuvieron objetos muy similares y en ocasiones complementarios y se adjudicaron, en la mayoría de los casos, a la misma empresa y en la misma fecha. Una adecuada planificación y estudio de las necesidades de contratación podrían haber hecho aconsejable su tramitación en un único expediente, uniendo prestaciones muy similares y realizadas de forma simultánea que dan cobertura a una misma necesidad pública.De estos 619 proyectos, 386 se adjudicaron a un mismo contratista y tuvieron por objeto prestaciones similares o complementarias. Su detalle se recoge en el Anexo IX.

Se volvemos á imaxe coa táboa na que aparece Narón mencionado, veremos que está incluída no citado Anexo IX. É dicir, que o Tribunal de Cuentas sinala coma irregular ou extraño o fraccionamento deste contrato en Narón. O feito é que o obxecto do contrato nos tres casos é o mesmo (renovación de redes de abastecimiento y saneamiento). Quedaría averiguar se a empresa, a data e o lugar onde terían lugar esas obras son coincidentes.

En canto á localizacion, se tiramos de Google Maps, veremos que as tres rúas correspondentes a esas obras distan entre sí menos de 500m:

En canto á data, estivemos a buscar polas redes información sobre eses contratos, atopando o seguinte documento: http://bop.dicoruna.es/bopportal/publicado/2010/09/22/2010_0000013325.html
Nel aparecen só reflexados os dous contratos de custo superior a 100.000€, xa que por aquel entonces tan só existía obriga de publicitar información sobre estes. En ámbolos casos, a empresa axudicataria e a data de resolución coinciden, e son, respectivamente, CONSTRUCCIONES Y TRANSPORTES FREIXEIRO S.L., e 27/05/10.

Polo que parece, atendendo a localización, data e empresa, non tería sentido fraccionar estes contratos. Sen embargo, así foi.

¿Debería preocuparnos? 

A resposta daránola a seguinte análise. Segundo especifica o Real Decreto Legislativo 3/2011, de 14 de noviembre, por el que se aprueba el texto refundido de la Ley de Contratos del Sector Público no seu artigo 177.2:

Artículo 177. Anuncio de licitación y presentación de solicitudes de participación.
2. Igualmente, en los contratos no sujetos a regulación armonizada que puedan adjudicarse por procedimiento negociado por ser su cuantía inferior a la indicada en los artículos 171, letra d), 172, letra b), 173, letra f), 174, letra e) y 175, deberán publicarse anuncios conforme a lo previsto en el artículo 142 cuando su valor estimado sea superior a 200.000 euros, si se trata de contratos de obras, o a 60.000 euros, cuando se trate de otros contratos.

Botando unha ollada a ese artigo 171, letra d) vemos que

Artículo 171. Contratos de obras.

Además de en los casos previstos en el artículo 170, los contratos de obras podrán adjudicarse por procedimiento negociado en los siguientes supuestos:

d) En todo caso, cuando su valor estimado sea inferior a un millón de euros.

Resumindo: os contratos de obras de menos de 1M€ poderán axudicarse usando procedemento negociado, e se son de máis de 200.000€, deberá usarse o procedemento negociado con publicidade.

Se botamos de novo unha ollada ó documento do BOP que sinalabamos arriba, veremos que o procedemento de axudicación empregado foi o PROCEDEMENTO NEGOCIADO SEN PUBLICIDADE. E sumando os valores estimados deses tres proxectos, excédese a cantidade de 200.000€. De feito, excédese símplemente sumando o valor dos dous que aparecen nese documento do BOP. 

Conclusión: semella que o Concello empregou un procedemento de axudicación que non correspondía no caso destas obras valéndose dun fraccionamento que non parece xustificado, tal e como indicaba o informe.

¿Qué consecuencias pode ter este feito?

Neste punto, atopámonos en terreo pantanoso, xa que os membros desta redacción carecen de formación en dereito, e os seus coñecementos foronos adquirindo mediante a lectura de lexislación, e outros recursos que imos achando a través de internet. Polo tanto, o que segue virá amparado en citas a estes recursos.

Buscando información sobre as posibles consecuencias dunha situación como a descrita, pola rede atopamos un interesante artigo titulado El fraccionamiento del objeto de los contratos públicos y la fraudulenta utilización del contrato menor. Este artigo, en referencia a un caso real de fraccionamento irregular, di textualmente:

Una decisión administrativa contraria estará abocada a incurrir en fraude de ley, al eludir, ya sea por error o intencionadamente, una prohibición legal, al recurrir a esta figura eludiendo los normas de preparación y adjudicación de los contratos (12) que en realidad exceden de los importes delimitados para los menores, y provocando la nulidad de pleno derecho por fraccionamiento irregular del objeto (Dictamen del Consejo Consultivo de Andalucía 106/2000, de 25 de julio y del STSJ del País Vasco, de 22 Septiembre de 2006)

É dicir, se realmente o Concello fraccionou de xeito ilícito estes contratos, no seu momento poderían ter sido declarados nulos. Pero o caso é que eses contratos xa foron finalizados e entregados hai moito tempo, de xeito que unha nulidade agora mesmo non tería moito sentido.

Se continuamos lendo o artículo, faise mención a posibilidades moito máis preocupantes, e con consecuencias realmente graves:

El fraccionamiento del objeto del contrato encuentra conexiones con la materia penal en forma de delito de prevaricación si existe dolo. En este sentido, señalar la sentencia de la Audiencia Provincial de Zamora, de 30 Diciembre de 2008, procediendo determinado Ayuntamiento a fraccionar un proyecto de obra pública en varias separatas para eludir el sistema de adjudicación mediante concurso y aplicar el sistema de adjudicación directa, omitiéndose por lo demás las formalidades necesarias en tales procedimientos, para ahorrar dinero al Ayuntamiento y sin justificarse la conducta arbitraria.

É dicir, que no caso de que alguén demostrase mala fe por parte do Concello nesta cuestión, éste último estaría incurrindo nun delicto de prevaricación administrativa, o cal xa é unha cuestión ben seria. Segundo o Código Penal, no seu artigo 404:

Artículo 404.

A la autoridad o funcionario público que, a sabiendas de su injusticia, dictare una resolución arbitraria en un asunto administrativo se le castigará con la pena de inhabilitación especial para empleo o cargo público y para el ejercicio del derecho de sufragio pasivo por tiempo de nueve a quince años.

O feito é que dende aquí non podemos aclarar nada máis, xa que non dispoñemos de máis datos sobre estes contratos. O que sí podemos aseverar é que a mención que fai o Tribunal de Cuentas do Concello é unha chamada de atención, xa que se estaría a xogar con lume en caso de non ter ben xustificadas cuestións como as que se analizan neste artigo. Non so polas consecuencias que poda ter a nivel persoal, senón tamén porque -citando de novo o artigo sobre fraccionamento de contratos menores- a administración local ten a obriga de "proporcionar las garantías de publicidad, igualdad, libre concurrencia y seguridad jurídica que aseguren a los ciudadanos un tratamiento común por parte de todas las Administraciones Públicas en materia de contratación pública"



Fontes: 

• BOE - Resolución de 25 de noviembre de 2014, aprobada por la Comisión Mixta para las Relaciones con el Tribunal de Cuentas, en relación con el Informe de fiscalización sobre las actuaciones realizadas por los Ayuntamientos con cargo al Fondo Estatal para el Empleo y la Sostenibilidad Local, creado por Real Decreto-ley 13/2009, de 26 de octubre - http://boe.es/buscar/doc.php?id=BOE-A-2015-2521
•  BOP - Narón : Relación de contratos adxudicados dendo o 1 de maio ata o 30 de agosto de 2010 - http://bop.dicoruna.es/bopportal/publicado/2010/09/22/2010_0000013325.html
• BOE - Real Decreto Legislativo 3/2011, de 14 de noviembre, por el que se aprueba el texto refundido de la Ley de Contratos del Sector Público - https://www.boe.es/buscar/act.php?id=BOE-A-2011-17887
• Revista Auditoría Pública - El fraccionamiento del objeto de los contratos públicos y la fraudulenta utilización del contrato menor (José Enrique Candela Talavero) - http://www.auditoriapublica.com/auditoria.php?articulo=780&id=61&seccion=LEGALIDAD
•  BOE - Ley Orgánica 10/1995, de 23 de noviembre, del Código Penal - https://www.boe.es/buscar/act.php?id=BOE-A-1995-25444

Ler máis »